Угбаларым Chingis

Улуг арттар кырындыва оваа даш дег
Угулзалыг уран-чараш торгу хээ дег
Ужарлардан таваар аккан дамырак дег
Угбаларым силерге даа дөмейлээр мен

Угбаларым Угбаларым эргим силер
Угулзалаан торгу-хээ дег чараш силер

Улус чоннуң магадалын хаара туткан
Улуг биче чоннувус дээш бурунгаарлаан
Чурталганын моондактарын ажыр базып
Чуртувус дээш көрүжүңер илдең көскү

Амыдырал нарын берге үелерде
Аткаар баспас дидим күштүг сорууңарны
Анай чаштан амдыгаа дээр эскергеним
Амдыы меңээ өөрүшкүм ол, билир силер

Угбаларым Угбаларым эргим силер
Угулзалаан торгу-хээ дег чараш силер

Орай чыраан көвей сылдыс карактазын
Оран-чурттуң каас чечээ өөртүзүн
Угбаларга, дуңмазындан сөзү болзун
Угбашкылар ам-даа улай хөгжүп чорзун

Угбаларым Угбаларым эргим силер
Угулзалаан торгу-хээ дег чараш силер